ਸਾਰਾ ਪਰਿਵਾਰ ਵਿਦੇਸ਼ ‘ਚ ਪਰ ਪੰਜਾਬ ਛੱਡਣ ਨੂੰ ਮਨ ਨਹੀਂ ਮੰਨਿਆ

ਜ਼ਿਲਾ ਸੰਗਰੂਰ ਦੇ ਪਿੰਡ ਮਾਨਾ ਦੀ ਰਹਿਣ ਵਾਲੀ ਹਰਪ੍ਰੀਤ ਕੌਰ ਨੇ ਫਾਰਮਾਕੌਲੋਜੀ ਦੇ ਵਿੱਚ ਐਮ ਫਾਰਮੈਸੀ ਕੀਤੀ ਹੋਈ ਹੈ। ਪੜਾਈ ਤੋਂ ਬਾਅਦ ਉਨ੍ਹਾਂ ਤਿੰਨ ਸਾਲ ਨੌਕਰੀ ਵੀ ਕੀਤੀ ਪਰ ਉੱਥੇ ਮਨ ਨਹੀਂ ਲੱਗਾ। ਉਨ੍ਹਾਂ ਆਸ ਪਾਸ ਦੇ ਸਮਾਜ ਵਿੱਚ ਫੈਲੀਆਂ ਭਿਆਨਕ ਬਿਮਾਰੀ ਤੋਂ ਇਹ ਸਿੱਟਾ ਕੱਢਿਆ ਕਿ ਜਿਆਦਾਤਰ ਬਿਮਾਰੀਆਂ ਦੀ ਜੜ੍ਹ ਕੈਮੀਕਲ ਯੁਕਤ ਖਾਣਾ ਹੈ। ਜਿਸ ਤੋਂ ਬਾਅਦ ਉਨ੍ਹਾਂ 2012 ਦੇ ਵਿੱਚ ਔਰਗੈਨਿਕ ਖੇਤੀ ਕਰਨ ਦੀ ਸ਼ੁਰੂਆਤ ਕੀਤੀ।

ਹਰਪ੍ਰੀਤ ਕੌਰ ਦੱਸਦੇ ਹਨ ਕਿ ਸ਼ੁਰੂਆਤ ਵਿੱਚ ਉਹ ਦੋ ਵਿਿਗਆ ਵਿੱਚ ਆਪਣੇ ਘਰ ਲਈ ਕਣਕ ਅਤੇ ਸ਼ਬਜੀਆ ਹੀ ਔਰਗੈਨਿਕ ਤਰੀਕੇ ਦੇ ਨਾਲ ਪੈਦਾ ਕਰਦੇ ਸਨ ਪਰ ਹੌਲੀ ਹੌਲੀ ਹੁਣ ਉਹ ਢਾਈ ਏਕੜ ਵਿੱਚ ਔਰਗੈਨਿਕ ਖੇਤੀ ਕਰਦੇ ਹਨ। ਖੇਤ ਵਿੱਚੋਂ ਪੈਦਾ ਹੋਣ ਵਾਲੀ ਉਪਜ ਦੀ ਉਹ ਪ੍ਰੋਗੈਸਿੰਗ ਕਰਨ ਲੱਗੇ ਅਤੇ ਇਨ੍ਹਾਂ ਚੀਜ਼ਾਂ ਨੂੰ ਉਹ ਵੱਖ-ਵੱਖ ਜਿਿਲਆ ਵਿੱਚ ਲੱਗਦੇ ਮੇਲਿਆ ਉਪਰ ਖੁਦ ਹੀ ਵੇਚਣ ਜਾਂਦੇ। ਉਹ ਦੱਸਦੇ ਹਨ ਸ਼ੁਰੂਆਤ ਵਿੱਚ ਲੋਕਾਂ ਉਨ੍ਹਾਂ ਦੀਆਂ ਚੀਜ਼ਾਂ ਦੀ ਸ਼ੁੱਧਤਾ ਨੂੰ ਵੇਖਦੇ ਹੋਏ ਉਨ੍ਹਾਂ ਨਾਲ ਜੁੜਦੇ ਗਏ ਅਤੇ ਲੋਕਾਂ ਦਾ ਦਾਇਰਾ ਦਿਨੋਂ ਦਿਨ ਵੱਧਦਾ ਗਿਆ।

ਉਹ ਦੱਸਦੇ ਹਨ ਉਹ ਖੇਤ ਵਿੱਚੋਂ ਪੈਦਾ ਹੋਣ ਵਾਲੀਆਂ ਦਾਲਾਂ, ਅਨਾਜ, ਤੇਲ, ਅਤੇ ਸ਼ੁੱਧ ਦੇਸੀ ਘਿਓ ਨੂੰ ਪ੍ਰੋਸੈਸ ਕਰਕੇ ਖੁਦ ਹੀ ਵੇਚਦੇ ਹਨ। ਇਸ ਤੋਂ ਇਲਾਵਾ ਉਹ ਆਚਾਰ, ਮੁਰਬਾ ਸਮੇਤ ਸਮੇਂ ਸਮੇਂ ਤੇ ਵੱਖ ਖਾਣ ਪੀਣ ਦੀਆਂ ਚੀਜ਼ਾਂ ਬਣਾ ਕੇ ਵੇਚਦੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਲੋਕ ਨੂੰ ਸ਼ੁੱਧ ਖਾਣੇ ਦੀਆਂ ਚੀਜ਼ਾਂ ਬਾਰੇ ਜਾਗਰੂਕਤਾ ਹੈ ਉਹ ਵਿਅਕਤੀ ਉਨ੍ਹਾਂ ਨਾਲ ਜੂੜਦੇ ਹਨ ਅਤੇ ਉਨ੍ਹਾਂ ਵੱਲੋਂ ਤਿਆਰ ਕੀਤਾ ਸਮਾਨ ਨੂੰ ਖਰੀਦੇ ਹਨ।

ਇਸ ਸਾਰੇ ਕੰਮ ਵਿੱਚ ਉਨ੍ਹਾਂ ਦੇ ਪਰਿਵਾਰ ਦਾ ਵੀ ਪੂਰਾ ਸਹਿਯੋਗ ਮਿਲ ਰਿਹਾ ਹੈ। ਉਹ ਦੱਸਦੇ ਹਨ ਕਿ ਉਨ੍ਹਾਂ ਦਾ ਸਾਰਾ ਪਰਿਵਾਰ ਵਿਦੇਸ਼ ਵਿੱਚ ਰਹਿੰਦਾ ਹੈ ਪਰ ਉਨ੍ਹਾਂ ਦਾ ਪੰਜਾਬ ਛੱਡਣ ਨੂੰ ਮਨ ਨਹੀਂ ਕਰਦਾ ਅਤੇ ਉਹ ਇੱਥੇ ਰਹਿ ਕੇ ਹੀ ਕੁਝ ਵੱਖਰਾ ਕਰਨ ਵੱਲ ਵਧ ਰਹੇ ਹਨ। ਉਨ੍ਹਾਂ ਦੇ ਕੰਮ ਬਾਰੇ ਹੋਰ ਜਾਨਣ ਲਈ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਵੇਖ ਸਕਦੇ ਹੋ।