ਗੁਰੂ ਦਾ ਸੱਚਾ ਸਿੱਖ ਘਮੰਡ ਸਿੰਘ

ਬਰਨਾਲਾ ਜਿਲ੍ਹੇ ਦੇ ਪਿੰਡ ਨਰੈਣਗੜ੍ਹ ਸੋਹੀਆਂ ਦੇ ਰਹਿਣ ਵਾਲੇ ਸੀਨੀਅਰ ਸਿਟੀਜਨ ਘੁਮੰਡ ਸਿੰਘ ਨੇ ਆਪਣੀ ਜ਼ਿੰਦਗੀ ਸਮਾਜ ਸੇਵਾ ਲਈ ਸਮਰਪਿਤ ਕੀਤੀ ਹੋਈ ਹੈ। ਉਹ ਸਵੇਰ ਹੁੰਦੇ ਹੀ ਪਹਿਲਾ ਗੁਰੂ ਘਰ ਜਾਂਦੇ ਹਨ ਜਿੱਥੇ ਸਾਫ ਸਫਾਈ ਕਰਨ ਤੋਂ ਬਾਅਦ ਉਹ ਆਪਣੇ ਘਰ ਆ ਜਾਂਦੇ ਹਨ ਅਤੇ ਉੱਥੋਂ ਉਹ ਕਹੀ ਅਤੇ ਇੱਕ ਰੇਹੜੀ ਲੈ ਕੇ ਸੇਵਾ ਕਰਨ ਲਈ ਚੱਲੇ ਜਾਂਦੇ ਹਨ।

ਉਹ ਦੱਸਦੇ ਹਨ ਕਿ ਪਿੰਡ ਦੇ ਆਸ ਪਾਸ ਦੀਆਂ ਸੜਕਾਂ ਵਿੱਚ ਪਏ ਖੱਡਿਆਂ ਨੂੰ ਉਹ ਪੂਰਦੇ ਹਨ ਤਾਂ ਜੋ ਸੜਕ ਉਪਰੋਂ ਲੰਘਣ ਵਾਲੇ ਲੋਕਾਂ ਨੂੰ ਕਿਸੇ ਦਿੱਕਤ ਦਾ ਸਾਹਮਣਾ ਨਾ ਕਰਨਾ ਪਏ। ਉਹ ਸੜਕ ਦੇ ਨੇੜਿਓ ਕਹੀ ਦੇ ਨਾਲ ਰੇਹੜੀ ਨੂੰ ਮਿੱਟੀ ਦੇ ਨਾਲ ਭਰਦੇ ਹਨ ਅਤੇ ਖੁਦ ਹੀ ਉਸ ਰੇਹੜੀ ਨੂੰ ਸੜਕ ਵਿੱਚ ਪਏ ਟੋਇਆ ਤੱਕ ਲੈ ਕੇ ਜਾਂਦੇ ਹਨ ਤੇ ਉਨ੍ਹਾਂ ਟੋਇਆਂ ਨੂੰ ਮਿੱਟੀ ਦੇ ਨਾਲ ਭਰ ਦਿੰਦੇ ਹਨ। ਉਹ ਦੱਸਦੇ ਹਨ ਕਿ ਪਿਛਲੇ ਕਈ ਸਾਲਾਂ ਤੋਂ ਉਹ ਇਹ ਸੇਵਾ ਲਗਾਤਾਰ ਕਰ ਰਹੇ ਹਨ।

ਉਨ੍ਹਾਂ ਨੂੰ ਸੜਕ ਉਪਰ ਟੋਏ ਭਰਦਾ ਵੇਖ ਕੇ ਬਹੁਤ ਵਾਰ ਲੋਕ ਰੁਕ ਕੇ ਉਨ੍ਹਾਂ ਨੂੰ ਆਰਥਿਕ ਮਦਦ ਦੇਣ ਦੀ ਪੇਸ਼ਕਸ ਕਰਦੇ ਹਨ ਪਰ ਘੁੰਮਡ ਸਿੰਘ ਦੱਸਦਾ ਹੈ ਕਿ ਉਸਨੂੰ ਸੇਵਾ ਕਰਨ ਦੀ ਚਟਕ ਹੀ ਐਸੀ ਲੱਗੀ ਹੈ ਕਿ ਇਹ ਸੇਵਾ ਕਰਕੇ ਉਸਨੂੰ ਪੈਸਿਆਂ ਨਾਲੋਂ ਕਿਤੇ ਵੱਧ ਸਕੂਨ ਮਿਲਦਾ ਹੈ।

ਉਹ ਦੱਸਦੇ ਹਨ ਕਿ ਕਈ ਵਾਰ ਤਾਂ ਸੜਕ ਦੇ ਟੋਏ ਭਰਦੇ ਭਰਦੇ ਉਹ ਪੰਜ ਸੱਤ ਕਿਲੋਮੀਟਰ ਦੂਰ ਤੱਕ ਚਲੇ ਜਾਂਦੇ ਹਨ ਅਤੇ ਕਈ ਵਾਰ ਜਿਆਦਾ ਗਰਮੀ ਵਿੱਚ ਸੇਵਾ ਕਰਦੇ ਕਰਦੇ ਉਨ੍ਹਾਂ ਨੂੰ ਵਾਪਸ ਮੁੜਣਾ ਵੀ ਔਖਾ ਹੋ ਜਾਂਦਾ ਹੈ ਪਰ ਉਹ ਸੇਵਾ ਕਰਨ ਤੋਂ ਕਦੇ ਵੀ ਪਿੱਛੇ ਨਹੀਂ ਹੱਟਦੇ।

ਇਸ ਤੋਂ ਇਲਾਵਾ ਘੁਮੰਡ ਸਿੰਘ ਆਪਣੇ ਪਿੰਡ ਦੀਆਂ ਗਲੀਆਂ ਦੀ ਸਾਫ ਸਫਾਈ ਵੀ ਖੁਦ ਹੀ ਕਰ ਦਿੰਦੇ ਹਨ। ਉਹ ਦੱਸਦੇ ਹਨ ਕਿ ਸ਼ੁਰੂਆਤ ਵਿੱਚ ਤਾਂ ਲੋਕਾਂ ਨੇ ਉਨ੍ਹਾਂ ਨੂੰ ਟਿੱਚਰਾਂ ਵੀ ਕੀਤੀ ਪਰ ਉਨ੍ਹਾਂ ਨੇ ਕਿਸੇ ਦੀ ਗੱਲ ਦੀ ਕੋਈ ਪ੍ਰਵਾਹ ਨਾ ਕੀਤੇ ਵਗੈਰ ਆਪਣੀ ਸੇਵਾ ਲਗਾਤਾਰ ਜਾਰੀ ਰੱਖੀ ਹੋਈ ਹੈ। ਘੁਮੰਡ ਸਿੰਘ ਦੇ ਸੇਵਾ ਭਾਵਨਾ ਨਾਲ ਕੀਤੇ ਕੰਮਾਂ ਬਾਰੇ ਹੋਰ ਜਾਨਣ ਲਈ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਵੇਖ ਸਕਦੇ ਹੋ।