ਇੰਗਲੈਂਡ ਦੀ ਅੰਬੈਸੀ ‘ਚ ਵੀ ਜਾਂਦਾ ਹੈ ਇਨ੍ਹਾਂ ਬੀਬੀਆਂ ਦਾ ਬਣਾਇਆ ਕੱਪੜਾ

ਫਰੀਦਕੋਟ ਜ਼ਿਲ੍ਹੇ ਦੇ ਜੈਤੋ ਕਸਬੇ ਵਿੱਚ ਔਰਤਾਂ ਨੇ ਇੱਕ ਵੱਖਰਾ ਮਾਹੌਲ ਸਿਰਜਿਆ ਹੈ। ਖੇਤੀ ਵਿਰਾਸਤ ਮਿਸ਼ਨ ਦੀ ਅਗਵਾਈ ਹੇਠ ਕੰਮ ਕਰਨ ਵਾਲੀਆਂ ਇਨ੍ਹਾਂ ਔਰਤਾਂ ਨੇ ਘਰ ਵਿੱਚ ਦੇਸੀ ਕਪਾਹ ਤੋਂ ਕੱਪੜਾ ਤਿਆਰ ਕਰਨ ਦੀ ਮੁਹਿੰਮ ਸ਼ੁਰੂ ਕੀਤੀ ਹੈ ਅਤੇ ਉਹ ਰਵਾਇਤੀ ਤਰੀਕੇ ਦੇ ਨਾਲ ਕੱਪੜਾ ਤਿਆਰ ਕਰਦੀਆਂ ਹਨ।

ਰੂਪਸੀ ਗਰਗ ਨਾਮ ਦੀ ਇੱਕ ਬੀਟੈਕ ਪਾਸ ਕੁੜੀ ਇਨ੍ਹਾਂ ਔਰਤਾਂ ਦੀ ਅਗਵਾਈ ਕਰਦੀ ਹੈ। ਰੂਪਸੀ ਗਰਗ ਕੱਚੇ ਮਾਲ ਤੋਂ ਲੈ ਕੇ ਤਿਆਰ ਸਾਮਾਨ ਵੇਚਣ ਅਤੇ ਸਿਖਲਾਈ ਤੱਕ ਦੀ ਪੂਰੀ ਪ੍ਰਕਿਿਰਆ ਦੀ ਨਿਗਰਾਨੀ ਕਰਦੀ ਹੈ। ਉਹ ਦੱਸਦੇ ਹਨ ਕਿ ਉਨ੍ਹਾਂ ਵੱਲੋਂ ਤਿਆਰ ਕੀਤੇ ਕੱਪੜੇ ਦੀ ਬਹੁਤ ਡਿਮਾਂਡ ਹੈ ਅਤੇ ਜਿਆਦਾਤਰ ਕੱਪੜਾ ਜੈਤੋ ਤੋਂ ਹੀ ਵਿਕ ਜਾਂਦਾ ਹੈ ਇਸ ਤੋਂ ਇਲਾਵਾਂ ਦੇਸ਼ ਦੇ ਵੱਖ ਵੱਖ ਸੂਬਿਆਂ ਸਮੇਤ ਵਿਦੇਸ਼ਾਂ ਵਿੱਚ ਵੀ ਉਨ੍ਹਾਂ ਦੇ ਬਣਾਏ ਕੱਪੜੇ ਦੀ ਬਹੁਤ ਡਿਮਾਂਡ ਹੈ।

ਉਹ ਦੱਸਦੇ ਹਨ ਕਿ ਕੱਪੜਾ ਬੁਣਨ ਦੀ ਕਲਾਂ ਹੁਣ ਲੁਪਤ ਹੁੰਦੀ ਜਾ ਰਹੀ ਹੈ ਅਤੇ ਇਹ ਕਲਾਂ ਹੁਣ ਬਜ਼ੁਰਗਾਂ ਦੇ ਕੋਲ ਹੀ ਬਾਕੀ ਹੈ। ਪਹਿਲਾ ਦੇ ਸਮੇਂ ਵਿੱਚ ਔਰਤਾਂ ਹੱਥੀਂ ਆਪਣੀਆਂ ਬੇਟੀਆਂ ਦੇ ਵਿਆਹ ਲਈ ਦਾਜ ਵਿੱਚ ਚਾਦਰਾਂ, ਸੂਤੀ ਕੱਪੜਾ ਅਤੇ ਦਰੀਆਂ ਤਿਆਰ ਕਰਦੇ ਸਨ ਪਰ ਹੁਣ ਇਹ ਸਭ ਕੁਝ ਬਜ਼ਾਰ ਉਪਰ ਹੀ ਨਿਰਭਰ ਹੋ ਗਿਆ ਹੈ ਜਿਸ ਦੇ ਉਨਾਂ ਵੱਲੋਂ ਇਸ ਕਲਾਂ ਨੂੰ ਸਾਂਭਣ ਦਾ ਯਤਨ ਕੀਤਾ ਗਿਆ।

ਉਹ ਦੱਸਦੇ ਹਨ ਕਿ ਇੱਥੇ ਵੱਡੀ ਗਿਣਤੀ ਵਿੱਚ ਔਰਤਾਂ ਹੱਥੀਂ ਪਹਿਲਾ ਚਰਖਾ ਕਤਦੀਆਂ ਅਤੇ ਕੱਪੜਾ ਬੁਣਦੀਆਂ ਹਨ ਜਿਸ ਨਾਲ ਉਨ੍ਹਾਂ ਨੂੰ ਰੁਜਗਾਰ ਵੀ ਮਿਿਲਆ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੀਆਂ ਪੀੜੀਆਂ ਤੱਕ ਇਸ ਕਲਾ ਨੂੰ ਪਹੁੰਚਾਉਣ ਦਾ ਇਹ ਉਪਰਾਲਾ ਹੈ ਜਿਸ ਵਿੱਚ ਉਹ ਕਾਮਯਾਬ ਵੀ ਹੋ ਰਹੇ ਹਨ ਅਤੇ ਇਸ ਮੁਹਿੰਮ ਰਾਹੀਂ ਲੋਕ ਆਪਣੀ ਵਿਰਾਸਤ ਨਾਲ ਵੀ ਜੁੜ ਰਹੇ ਹਨ। ਉਨ੍ਹਾਂ ਦੇ ਕੰਮ ਬਾਰੇ ਹੋਰ ਜਾਨਣ ਲਈ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਵੇਖ ਸਕਦੇ ਹੋ।