ਕੂੜੇ ਤੋਂ ਖਾਦ ਤਿਆਰ ਕਰਕੇ ਬਦਲੀ ਪਿੰਡਾਂ ਦੀ ਨੁਹਾਰ

ਪੰਜਾਬ ਦੇ ਪਿੰਡਾਂ ਵਿੱਚ ਸੀਵਰੇਜ ਪ੍ਰਬੰਧਨ ਅਤੇ ਕੂੜਾ ਇਕੱਠਾ ਕਰਨਾ ਇੱਕ ਵੱਡੀ ਸਮੱਸਿਆ ਹੈ ਜੋ ਵਾਤਾਵਰਣ ਪ੍ਰਦੂਸ਼ਣ ਅਤੇ ਸਿਹਤ ਸੰਬੰਧੀ ਸਮੱਸਿਆਵਾਂ ਨੂੰ ਵਧਾ ਰਿਹਾ ਹੈ। ਰਾਊਂਡ ਗਲਾਸ ਫਾਊਂਡੇਸ਼ਨ ਇਸ ਸਮੱਸਿਆ ਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਜੋ ਸਿਵਲ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ, ਪਿੰਡਾਂ ਵਿੱਚ ਰਹਿੰਦ-ਖੂੰਹਦ ਪ੍ਰਬੰਧਨ ਪ੍ਰੋਜੈਕਟ ਚਲਾਉਂਦੀ ਹੈ।

ਇਸ ਪ੍ਰਜੈਕਟ ਤਹਿਤ ਸਭ ਤੋਂ ਪਹਿਲਾ ਉਹ ਪਿੰਡਾਂ ਵਿੱਚ ਜਾ ਕੇ ਲੋਕਾਂ ਨੂੰ ਕੂੜੇ ਦੀ ਸਮੱਸਿਆ ਪ੍ਰਤੀ ਜਾਣੂ ਕਰਵਾਇਆ ਜਾਂਦਾ ਹੈ ਅਤੇ ਫਿਰ ਗਿੱਲੇ ਕੂੜੇ ਅਤੇ ਸੁੱਕੇ ਕੂੜੇ ਨੂੰ ਵੱਖ ਵੱਖ ਸਾਂਭਣ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਫਾਊਂਡੇਸ਼ਨ ਦੇ ਵਲਟੀਅਰ ਪਿੰਡ ਵਾਸੀਆਂ ਦੇ ਘਰ-ਘਰ ਜਾ ਕੇ ਉਨ੍ਹਾਂ ਨੂੰ ਹੋਰ ਜਾਣਕਾਰੀ ਦਿੰਦੇ ਹਨ ਅਤੇ ਨਾਲ ਹੀ ਕੂੜੇ ਦੀ ਸਾਂਭ ਸੰਭਾਲ ਦੇ ਲਈ ਡਸਟਬੀਨ ਵੀ ਵੰਡਦੇ ਹਨ।

ਇਸ ਤੋਂ ਬਾਅਦ ਪਿੰਡ ਵਿੱਚੋਂ ਹੀ ਕੁਝ ਵਿਅਕਤੀਆਂ ਦੀ ਚੋਣ ਕੀਤੀ ਜਾਂਦੀ ਹੈ ਜੋ ਲੋਕਾਂ ਦੇ ਘਰਾਂ ਵਿੱਚੋਂ ਇਹ ਕੂੜਾ ਇਕੱਠਾਂ ਕਰਕੇ ਲੈ ਆਉਂਦੇ ਹਨ। ਜਿੰਨ੍ਹਾਂ ਦੀ ਤਨਖਾਹ ਦਾ ਖਰਚਾ ਹਰ ਘਰ ਚੁੱਕਦਾ ਹੈ। ਫਿਰ ਇਸ ਇਕੱਠੇ ਕੀਤੇ ਕੂੜੇ ਨੂੰ ਉਹ ਇੱਕ ਜਗ੍ਹਾਂ ਉਪਰ ਲੈ ਆਉਂਦੇ ਹਨ ਜਿੱਥੇ ਚਾਰ ਵੱਖ-ਵੱਖ ਖਾਨੇ ਬਣੇ ਹੋਏ ਹਨ ਜਿੱਥੇ ਉਹ ਸਾਫ ਕੂੜੇ ਨੂੰ ਇਸ ਵਿੱਚ ਦੱਬ ਦਿੰਦੇ ਹਨ ਅਤੇ ਕੁਝ ਮਹੀਨਿਆਂ ਵਿੱਚ ਇਹ ਕੂੜਾ ਖਾਦ ਵਿੱਚ ਬਦਲ ਜਾਂਦਾ ਹੈ।

ਇਹ ਖਾਦ ਪੂਰੀ ਤਰ੍ਹਾਂ ਔਰਗੈਨਿਕ ਹੁੰਦੀ ਹੈ ਜਿਸ ਦੀ ਕਆਲਿਟੀ ਵੀ ਬਹੁਤ ਵਧੀਆ ਹੈ ਜਿਸ ਨੂੰ ਕਿਸਾਨ ਖੇਤ ਵਿੱਚ ਵਰਤ ਸਕਦੇ ਹਨ। ਇਸ ਖਾਦ ਨੂੰ ਵੇਚ ਕੇ ਪਿੰਡ ਦੀ ਪੰਚਾਇਤ ਜਿੱਥੇ ਇੱਕ ਵੱਖਰੀ ਆਮਦਨ ਪ੍ਰਾਪਤ ਕਰਦੀ ਹੈ ਉੱਥੇ ਹੀ ਪਿੰਡ ਵਿੱਚ ਕੂੜੇ ਦੀ ਸਮੱਸਿਆ ਦਾ ਹੱਲ ਹੋਣ ਨਾਲ ਸਾਫ ਸਫਾਈ ਵੀ ਵਧਦੀ ਹੈ।

ਰਾਊਂਡ ਗਲਾਸ ਫਾਊਂਡੇਸ਼ਨ ਹੁਣ ਤੱਕ ਪੰਜਾਬ ਦੇ 200 ਪਿੰਡਾਂ ਦੀ ਨੁਹਾਰ ਬਦਲ ਚੁੱਕੀ ਹੈ। ਉਨ੍ਹਾਂ ਦੇ ਕੰਮ ਬਾਰੇ ਵਿਸਥਾਰ ਪੂਰਵਕ ਚਰਚਾ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਜ਼ਰੀਏ ਸੁਣ ਸਕਦੇ ਹੋ।