ਗੋਹੇ ਤੋਂ ਬਿਜ਼ਨਸ ਖੜਾ ਕਰਨ ਵਾਲੇ ਦੋ ਦੋਸਤਾਂ ਦੀ ਕਹਾਣੀ

ਇਹ ਕਹਾਣੀ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਮੀਰਪੁਰ ਖੁਰਦ ਦੇ ਰਹਿਣ ਵਾਲੇ ਦੋ ਦੋਸਤਾਂ ਦੀ ਹੈ। ਹਰਪ੍ਰੀਤ ਸਿੰਘ ਅਤੇ ਗੁਰਵਿੰਦਰ ਸਿੰਘ ਨਾਮ ਦੇ ਇਹ ਨੌਜਵਾਨ ਵਿਕਾਸ ਖੇਤਰ ਵਿੱਚ ਚੰਗੀਆਂ ਤਨਖਾਹਾਂ ਨਾਲ ਨੌਕਰੀਆਂ ਕਰ ਰਹੇ ਹਨ। ਸਮਾਜਿਕ ਪਾਬੰਦੀਆਂ ਨੂੰ ਤੋੜਦਿਆਂ ਇਨ੍ਹਾਂ ਨੌਜਵਾਨਾਂ ਨੇ ਪਸ਼ੂਆਂ ਦੇ ਗੋਹੇ ਤੋਂ ਖਾਦ ਬਣਾਉਣ ਦਾ ਧੰਦਾ ਸ਼ੁਰੂ ਕਰ ਦਿੱਤਾ ਹੈ।

ਇਸ ਸਟਾਰਟ-ਅੱਪ ਲਈ ਉਨ੍ਹਾਂ ਨੂੰ ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਤਿੰਨ ਸਾਲਾਂ ਦੀ ਸਖ਼ਤ ਮਿਹਨਤ ਤੋਂ ਬਾਅਦ, ਹੁਣ ਉਨ੍ਹਾਂ ਕੋਲ ਪੇਂਡੂ ਰੂਟਸ ਨਾਮਕ ਜੈਵਿਕ ਖਾਦ ਦਾ ਆਪਣਾ ਬ੍ਰਾਂਡ ਹੈ। ਇਹ ਨੌਜਵਾਨ ਔਰਗੈਨਿਕ ਬਾਇਓ ਫਰਟੀਲਾਈਜ਼ਰ ਆਨਲਾਈਨ ਵੇਚਦੇ ਹਨ।

ਇਨਾਂ ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਉਹ ਇਸ ਕੰਮ ਤੋਂ ਆਪਣੀ ਤਨਖਾਹ ਦੇ ਬਰਾਬਰ ਹੀ ਕਮਾ ਲੈਂਦੇ ਹਨ। ਉਹ ਹੁਣ ਉੱਥੇ ਦੇ ਬ੍ਰਾਂਡ ਦੇ ਤਹਿਤ ਜੈਵਿਕ ਭੋਜਨ ਉਤਪਾਦ ਤਿਆਰ ਕਰਨ ਦੀ ਯੋਜਨਾ ਬਣਾ ਰਹੇ ਹਨ ਤਾਂ ਜੋ ਲੋਕਾਂ ਨੂੰ ਕੀਟਨਾਸ਼ਕ ਮੁਕਤ ਭੋਜਨ ਮੁਹੱਈਆ ਕਰਵਾਇਆ ਜਾ ਸਕੇ।