ਗੰਡੋਇਆਂ ਨੇ ਇਸ ਕਿਸਾਨ ਨੂੰ ਕੀਤਾ ਮਾਲੋ-ਮਾਲ

ਬਰਨਾਲਾ ਜ਼ਿਲ੍ਹੇ ਦੇ ਪਿੰਡ ਕਾਲੇਕੇ ਦੇ ਰਹਿਣ ਵਾਲੇ ਪ੍ਰੇਮ ਸਿੰਘ ਉੱਦਮੀ ਕਿਸਾਨ ਹਨ ਜਿਨ੍ਹਾਂ ਨੇ ਸਿਰਫ਼ ਪੰਜਾਹ ਹਜ਼ਾਰ ਰੁਪਏ ਨਾਲ ਵਰਮੀ ਕੰਪੋਸਟ ਦਾ ਕਾਰੋਬਾਰ ਸ਼ੁਰੂ ਕੀਤਾ ਅਤੇ ਇਸ ਕੰਮ ਵਿੱਚ ਉਨ੍ਹਾਂ ਨੂੰ ਵੱਡੀ ਸਫਲਤਾ ਵੀ ਮਿਲੀ। ਪ੍ਰੇਮ ਸਿੰਘ ਵਰਮੀ ਕੰਪੋਸਟ ਦੇ ਕੰਮ ਤੋਂ ਔਸਤਨ 6 ਲੱਖ ਰੁਪਏ ਸਾਲਾਨਾ ਕਮਾ ਰਹੇ ਹਨ।

ਵਰਮੀ ਕੰਪੋਸਟ ਦੇ ਕੰਮ ਦੀ ਸ਼ੁਰੂਆਤ ਬਾਰੇ ਕਿਸਾਨ ਪ੍ਰੇਮ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਖੇਤ ਵਿੱਚ ਪੋਲਟਰੀ ਫਾਰਮ ਦਾ ਪੁਰਾਣਾ ਢਾਂਚਾ ਬੇਕਾਰ ਪਿਆ ਸੀ ਜਿਸ ਦੀ ਮੁਰੰਮਤ ਕਰਕੇ ਇੱਥੇ 10 ਤੋਂ 12 ਪੱਕੇ ਬੈੱਡ ਵੀ ਬਣਾਏ ਅਤੇ ਵਰਮੀ ਕੰਪੋਸਟ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਸ਼ੁਰੂਆਤ ਵਿੱਚ ਹੀ ਉਨ੍ਹਾਂ ਨੂੰ ਲੋਕਾਂ ਦਾ ਚੰਗਾ ਹੁੰਗਾਰਾ ਮਿਿਲਆ ਅਤੇ ਆਪਣੇ ਖੇਤ ਵਿੱਚ ਵਰਮੀ ਕੰਪੋਸਟ ਦੀ ਵਰਤੋਂ ਦੇ ਬਾਅਦ ਉਨ੍ਹਾਂ ਨੂੰ ਫਸਲ ਦਾ ਵਧੀਆ ਝਾੜ ਵੀ ਮਿਿਲਆ।

ਪ੍ਰੇਮ ਸਿੰਘ ਦੱਸਦੇ ਹਨ ਕਿ ਹਰ ਇੱਕ ਕਿਸਾਨ ਨੂੰ ਆਪਣੇ ਖੇਤ ਵਿੱਚ ਇਸ ਤਰ੍ਹਾਂ ਦੀ ਛੋਟੀ ਫੈਕਟਰੀ ਲਗਾਉਣੀ ਚਾਹੀਦੀ ਹੈ ਜਿਸ ਤੋਂ ਕਿਸਾਨ ਖੇਤੀ ਦੇ ਨਾਲ ਨਾਲ ਹੋਰ ਮੁਨਾਫਾ ਵੀ ਲੈ ਸਕਦਾ ਹੈ।ਹੁਣ ਉਹਨਾਂ ਵੱਲੋਂ ਤਿਆਰ ਕੀਤੀ ਵਰਮੀ ਕੰਪੋਸਟ ਪੰਜਾਬ ਦੇ ਵੱਖ ਵੱਖ ਜਿਿਲਆ ਦੇ ਕਿਸਾਨ ਉਨ੍ਹਾਂ ਕੋਲੋ ਖਰੀਦ ਕੇ ਲੈ ਜਾਂਦੇ ਹਨ। ਉਹ ਦੱਸਦੇ ਹਨ ਕਿ ਖੇਤ ਵਿੱਚ ਦੂਸਰੀ ਖਾਦਾ ਦੇ ਮੁਕਾਬਲੇ ਇਸ ਖਾਦ ਦੀ ਬਹੁਤ ਘੱਟ ਮਾਤਰਾ ਵਿੱਚ ਲੋੜ ਪੈਂਦੀ ਹੈ ਅਤੇ ਇਹ ਮਹਿੰਗੀ ਕੈਮੀਕਲ ਵਾਲੀਆਂ ਖਾਦਾ ਤੋਂ ਸਸਤੀ ਵੀ ਹੈ ਜਿਸ ਨਾਲ ਖੇਤ ਦੀ ਉਪਜਾਊ ਸ਼ਕਤੀ ਵਧਦੀ ਹੈ ਅਤੇ ਕਿਸਾਨ ਨੂੰ ਫਸਲ ਦਾ ਵਧੀਆ ਝਾੜ ਵੀ ਮਿਲਦਾ ਹੈ।

ਪ੍ਰੇਮ ਸਿੰਘ ਦਾ ਕਹਿਣਾ ਹੈ ਕਿ ਵਰਮੀ ਕੰਪੋਸਟ ਵਿੱਚ ਉਹ ਸਾਰੇ ਤੱਤ ਮੌਜੂਦ ਹੁੰਦੇ ਹਨ ਜੋ ਫਸਲ ਨੂੰ ਚਾਹੀਦੇ ਹਨ ਅਤੇ ਇਸ ਦੀ ਵਰਤੋਂ ਫਲ ਅਤੇ ਸਬਜ਼ੀਆਂ ਦੀ ਕਾਸਤ ਲਈ ਵੀ ਕੀਤੀ ਜਾ ਸਕਦੀ ਹੈ। ਉਹ ਚਾਹੁੰਦੇ ਹਨ ਕਿ ਪੰਜਾਬ ਦੇ ਵੱਧ ਤੋਂ ਵੱਧ ਕਿਸਾਨ ਵਰਮੀ ਕੰਪੋਸਟ ਦੀ ਵਰਤੋਂ ਕਰਨ ਅਤੇ ਕਿਸਾਨ ਖੁਦ ਆਪਣੇ ਖੇਤ ਵਿੱਚ ਵਰਮੀ ਕੰਪੋਸਟ ਤਿਆਰ ਕਰਨ ਜਿਸ ਨਾਲ ਕਿਸਾਨ ਮਹਿੰਗੀਆਂ ਰੇਹ ਸਪਰੇਅ ਅਤੇ ਖਾਦਾ ਤੋਂ ਖਹਿੜਾ ਛੁਡਾ ਸਕਦੇ ਹਨ ਅਤੇ ਔਰਗੈਨਿਕ ਖੇਤੀ ਵੱਲ ਆ ਸਕਦੇ ਹਨ।

ਪ੍ਰੇਮ ਸਿੰਘ ਤੋਂ ਪ੍ਰੇਰਨਾ ਲੈ ਕੇ ਹੋਰ ਕਿਸਾਨ ਵੀ ਇਹ ਕਿੱਤਾ ਅਪਣਾ ਰਹੇ ਹਨ। ਉਨ੍ਹਾਂ ਦੇ ਕੰਮ ਬਾਰੇ ਹੋਰ ਜਾਨਣ ਲਈ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਵੇਖ ਸਕਦੇ ਹੋ।