ਸਿੰਘਾਪੁਰ ਤੋਂ ਵਾਪਸ ਆ ਕੇ ਕੀਤੀ ਸਬਜ਼ੀ ਦੀ ਖੇਤੀ

ਜ਼ਿਲ੍ਹਾ ਸ੍ਰੀ ਮੁਕਸਤਰ ਸਾਹਿਬ ਦੇ ਰਹਿਣ ਵਾਲੇ ਗੁਰਵਿੰਦਰ ਸਿੰਘ ਪਿਛਲੇ ਕਈ ਸਾਲਾਂ ਤੋਂ ਸ਼ਬਜੀਆਂ ਦੀ ਖੇਤੀ ਕਰਦੇ ਹਨ। ਸ਼ਬਜੀਆਂ ਦੀ ਕਾਸਤ ਵਿੱਚੋਂ ਪਹਿਲੇ ਸਾਲ ਹੋਏ ਮੁਨਾਫੇ ਨੂੰ ਵੇਖਦੇ ਹੋਏ ਉਨ੍ਹਾਂ ਤਿੰਨ ਏਕੜ ਵਿੱਚ ਸ਼ਬਜੀਆ ਦੀ ਕਾਸਤ ਵਧਾ ਦਿੱਤੀ ਅਤੇ ਵਿਦੇਸ਼ ਜਾਣ ਦੀ ਬਜਾਏ ਪਿੰਡ ਰਹਿ ਕੇ ਹੀ ਖੇਤੀ ਕਰਨ ਦਾ ਮਨ ਬਣਾ ਲਿਆ ਜਿਸ ਵਿੱਚੋਂ ਹੁਣ ਉਹ ਚੰਗੀ ਕਮਾਈ ਵੀ ਕਰ ਰਹੇ ਹਨ।

ਉਹ ਦੱਸਦੇ ਹਨ 12ਵੀਂ ਪਾਸ ਕਰਨ ਤੋਂ ਬਾਅਦ ਹੋਰਨਾਂ ਨੌਜਵਾਨਾਂ ਦੀ ਤਰ੍ਹਾਂ ਉਨ੍ਹਾਂ ਦਾ ਸੁਪਨਾ ਵੀ ਵਿਦੇਸ਼ ਜਾਣ ਦਾ ਸੀ ਅਤੇ ਉਹ ਵੀ ਵਰਕਪਰਮਿਟ ਉਪਰ ਸਿੰਘਾਪੁਰ ਚਲੇ ਗਏ ਜਿੱਥੇ ਉਨ੍ਹਾਂ ਵੱਖ ਵੱਖ ਤਰ੍ਹਾਂ ਦੇ ਕੰਮ ਕੀਤੇ। ਵਿਦੇਸ਼ ਵਿੱਚ ਕਈ ਸਾਲਾਂ ਕੰਮ ਕਰਨ ਤੋਂ ਬਾਅਦ ਜਦੋਂ ਉਹ ਛੁੱਟੀ ਕੱਟਣ ਲਈ ਪਿੰਡ ਆਏ ਸਨ ਤਾਂ ਉਨ੍ਹਾਂ ਆਪਣੇ ਖੇਤ ਵਿੱਚ ਸ਼ਬਜੀਆਂ ਦੀ ਕਾਸਤ ਸ਼ੁਰੂ ਕਰ ਦਿੱਤੀ ਸੀ।

ਉਹ ਦੱਸਦੇ ਹਨ ਕਿ ਸ਼ੁਰੂਆਤ ਵਿੱਚ ਘਰਦਿਆ ਨੇ ਉਨ੍ਹਾਂ ਨੂੰ ਰਵਾਇਤੀ ਖੇਤੀ ਛੱਡ ਸ਼ਬਜੀਆਂ ਦੀ ਕਾਸਤ ਕਰਨ ਤੋਂ ਰੋਕਿਆ ਵੀ ਸੀ ਪਰ ਉਨ੍ਹਾਂ ਛੋਟੇ ਪੱਧਰ ਉਪਰ ਸ਼ਬਜੀਆਂ ਉਗਾਈਆਂ ਅਤੇ ਅਤੇ ਉਸਨੂੰ ਉਨ੍ਹਾਂ ਖੁਦ ਹੀ ਪਿੰਡ ਪਿੰਡ ਜਾ ਕੇ ਵੇਚਿਆ ਜਿਸ ਵਿੱਚੋਂ ਉਨ੍ਹਾਂ ਨੂੰ ਚੰਗੀ ਕਮਾਈ ਹੋਈ।ਇਸ ਤੋਂ ਬਾਅਦ ਉਨ੍ਹਾਂ ਪਿੱਛੇ ਮੁੜ ਕੇ ਨਹੀਂ ਵੇਖਿਆ। ਉਹ ਦੱਸਦੇ ਹਨ ਕਿ ਵਿਦੇਸ਼ ਵਿੱਚ ਉਹ 8 ਤੋਂ 13 ਘੰਟੇ ਕੰਮ ਕਰਦੇ ਸਨ ਅਤੇ ਉੱਥੇ ਵੱਖ ਵੱਖ ਤਰ੍ਹਾਂ ਦੇ ਕੰਮ ਕਰਕੇ ਉਨ੍ਹਾਂ ਦੀ ਕੰਮ ਕਰਨ ਤੋਂ ਸੰਗ ਵੀ ਲਹਿ ਗਈ ਜਿਸ ਦੇ ਚਲਦੇ ਉਨ੍ਹਾਂ ਆਪਣੀ ਸ਼ਬਜੀ ਪਿੰਡ ਪਿੰਡ ਜਾ ਕੇ ਖੁਦ ਹੀ ਵੇਚਣੀ ਸ਼ੁਰੂ ਕਰ ਦਿੱਤੀ।

ਉਹ ਦੱਸਦੇ ਹਨ ਕਿ ਸ਼ਬਜੀਆਂ ਦੀ ਕਾਸਤ ਕਰਕੇ ਉਹ ਇੱਕ ਏਕੜ ਚੋਂ ਦੋ ਤੋਂ ਢਾਈ ਲੱਖ ਰੁਪਏ ਕਮਾ ਲੈਂਦੇ ਹਨ ਅਤੇ ਜਦ ਉਹ ਵਿਦੇਸ਼ ਵਿੱਚ ਸਨ ਉੱਥੇ ਵੀ ਉਹ ਚੰਗੀ ਕਮਾਈ ਕਰਦੇ ਹਨ ਬਸ ਫਰਕ ਇੰਨਾ ਹੈ ਕਿ ਹੁਣ ਉਪਰ ਆਪਣੇ ਪਰਿਵਾਰ ਕੋਲ ਰਹਿ ਕੇ ਕਮਾਈ ਕਰ ਰਹੇ ਹਨ। ਉਹ ਦੱਸਦੇ ਹਨ ਕਿ ਜਿਸ ਵਿਅਕਤੀ ਕੋਲ ਇੱਥੇ ਖੇਤੀਯੋਗ ਜ਼ਮੀਨ ਹੈ ਉਸਨੂੰ ਵਿਦੇਸ਼ ਜਾਣ ਦੀ ਬਜਾਏ ਇੱਥੇ ਰਹਿ ਕੇ ਹੀ ਵੱਖਰੇ ਤਰ੍ਹਾਂ ਦੀ ਖੇਤੀ ਕਰਕੇ ਕਮਾਈ ਕਰਨੀ ਚਾਹੀਦੀ ਹੈ। ਉਨ੍ਹਾਂ ਦੇ ਖੇਤੀ ਤਜ਼ਰਬੇ ਬਾਰੇ ਹੋਰ ਜਾਨਣ ਲਈ ਤੁਸੀਂ ਹੇਠਾਂ ਦਿੱਤੀ ਵੀਡੀਓ ਵੇਖ ਸਕਦੇ ਹੋ।